Mizorama lui hrang hranga tuikawng awm thei tura beiseiah Khawthlangtuipui chu ruahmanna hmasa berah neih mek a ni tih Transport minister TJ Lalnuntluanga chuan a sawi.
Assembly Session-a zawhna chhangin, Inland Water Transport (IWT) subject hi 2019 August 30 khan state PWD atangin Transport department hian mawhphurhna a la tan a, Mizorama lui hman tangkai theihte dapin, IWT lama hma kan sawn theihna’n hma lak nghal a ni a. Tlawng lui, Khawthlangtuipui leh Chhimtuipuiah hma lak mek a ni tih TJ Lalnuntluanga hian a sawi.
Khawthlangtuipui rinchhan hian Lunglei district Tlabung atangin Mamit district Rajiv Nagar thlengin techno visibility survey nei turin central-ah an thlen a, an ni in hma an rawn lak tur thu an rawn hrilh a, a taka kalpui turin ngaihchan mek a ni tih a sawi a. Tuikawng siam tur hian environmental effect a awm ngei dawn a, forest clearance an dil a, stage-I atan aprroval pek an ni tawh tih minister hian a sawi a. Khawthlangtuipui bik atan hian e-tender an chhuah a, mi pahnihin an chhang a, central lam duhdan an puitlin loh deuh avangin tender hian awmzia a nei ta loa, tunhnaiah e-tender an chhuah nawn leh a, contractor fit zawk leh criteria zawm thei turte chhan atan an ngaichang mek tih a sawi a ni.
Khawthlangtuipuiah tuikawng ruahman
Get real time updates directly on you device, subscribe now.
Prev Post
Next Post