Tlang kawngah LMV hnuailam bak lirthei tlan theih loh

Kolasib District Disaster Management Authority chairman, bawrhsap Robert C Lalhmangaiha chuan Sec.34(c) Disaster Management Act 2005-in thuneihna a pek angin Kawnpui atanga Zanlawn inkar lirthei tlan dan turah thupek a chhuah.
Kawnpui atanga Zanlawn inkar (Tlang kawng) Kawnpui daiah lungrem chim avangin nasa takin kawngpui a bal a. Hei vang hian kawng a zimin lirtheia veivakte him zawknan lirthei tlan dan khuahkhirhna siam a ni.
Kawnpui – Zanlawn inkarah lirthei, LMV leh a hnuailam bak kal phal a ni loa, he thupek zawm lo chu Disaster Management Act 2005 hmanga hrem theih an ni tih a sawi.
He thupek hian helai kawng siamna atana lirthei chetvelna, ambulance, police, Fire & Emergency Services leh magistrate-in phalna a pekte erawh a huam lo.