Tlawng luiah bawlhhlawh dangkhawmtu tur dah tum

Aizawl khawpui tui tlan, Tlawng luia plastic leh bawlhhlawh hrawmhraw dang lut thin lo dangkhawm tur ‘waste trap’ siamna atan sawrkarin cheng vaibelchhe hnih a dah tih UD&PA minister K Sapdanga chuan a sawi.l Council huaihawta Aizawl Day lawm, Inrinnia a kharna a hmanpuinaah UD&PA minister chuan Tlawng lui chawmtua bawlhhlawh lut thin thenfaina ‘waste trap’ siam nan AMC-ah vaibelchhe 2 pek an ni dawn tih a sawi a. Tuiriala bawlhhlawh sawngbawlna Solid Waste Management Centre tih changtlun tum niin, PWD-in Hualngohmunah Aizawl bawlhhlawh sawngbawlna an siam mek thu leh Aizawl City Smart Ltd. bultumin Luangmualah plastic sawngbawlna hmun din tum a ni tih a sawi bawk.
Aizawl Municipal Corporation office sak nan cheng vaibelchhe 30 leh AMC building sak nan vaibelchhe 20 pek an ni dawn tih K Sapdanga hian a sawi a ni.
Hetihlai hian Assembly Session neih meka PHE minister Prof Lalnilawma’n zawhna a chhan danin, mipui tui tlan chawmtu lui leh a chawmtu luite/ tuikhura tui tam leh tlem dan chu department-in a chhinchhiah tawh bakah a theih ang ang chhinchhiah belh zel a tum a. Chutiang record chu mipui hmuh theihin department website-a dah tum a ni tih a sawi.