Tleirawl laia mipat hmeichhiatna hmang ten pasal \hen an awlsam

Mithiam ten zirchianna an neih tharah hmeichhia, an tleirawl laia mipat hmeichhiatna hmang te chuan pasal an neih hnuah inthen leh an awlsam bik niin an sawi.
University of Iowa-a mithiam ten hmeichhe pasal nei tawh 3,793-ah zirchianna neiin, tleirawl lai (kum 13 leh 19 inkar) a mipat hmeichhiatna hmang 31% te chuan kum 5 chhungin an pasal te an then a, 47% te chu chu kum 10 chhungin an inthen ve bawk.
Puitlin hnua mipathmeichhiatna hmang chauh te zingah chuan 15%-in kum 5 chhungin pasal an then a, 27% in kum 10 chhungin an then ve thung a ni.
He zirchiannaa an hotu University of Iowa-a College of Liberal Arts and Sciences sociology professor, Anthony Paik chuan, “He result atang hian tleirawl laia mipat hmeichhiatna hman hian nupa inkarah nghawng a nei a, inthenna a ti tam tih a ti lang a ni,” a ti.
Anthony Paik chuan hetianga tleirawl laia mipat hmeichhiatna hman leh nupa inthenna a inzawm theih dan niawm te sawiin, “Tleirawl ten mipat hmeichhiatna an hman hma lutuk chuan nupa inthen pawisak lohna an neih phah thei a, sexual experience neih hma lutuk hian rilru sukthlek leh ngaihtuahna lamah nghawng a nei nasa viau a ni,” a ti.
He zirchianna chungchang hi Journal of Marriage and Family-ah tarlan a ni.