Tomato man sangin social media luah hneh

Khawchin mumal lo avangin India ramah tomato man a sang hle a, hei vang hian social media hrang hrangah petrol leh politics thil te nen vek tomato man chu khaikhin nan bera hman mekin a awm.
Hmun thenkhata ruahsur nasa te, nikuma normal temperature aia lum zawk nasa bawk si te vangin tomato tharchhuah a tlem a, hei vang hian a man a let nga velin a pung a ni. Tomato te hi a tlangpuiin June leh July thlaah a to ziah a, kuminah erawh a to dan a uchuak deuh thung a.
Tomato leh purunsen te hi khawvela mihring chen tamna ber ram Indiaah pawimawhna thuk tak neiin an man san vang ringawtin lungawilohna liantham tak tichhuak thei a ni. India ramah political party ten purunsen leh tomato man sang avangin inthlanah an chak loh phah fo tawh a, ni tin mamawha tel leh bet nghet tlata ngaih a ni vang a ni a.
Social media hrang hrangah pawh tomato man sang kaihhnawih chuan post nasa tak siamin a thenah chuan petrol leh diesel aia tlan chak zawk ang ten an dah a, a thenah chuan iPhone leh tomato kilogram khat inthleng theih titawk te an awm a. A thenah chuan tomato lei aiin politician lei a awlsam zawk te pawh an ti a ni.
New Delhi-ah tomato kg ah Rs 120 a ni mek a, kumtir lam aia a sanna chu Rs 23 lai a ni tawh a, chutih laiin Delhi-ah petrol chu litre ah Rs 96 vel a ni thung.
Thar hunbi nei a nih avangin a van vanglai chu June leh July thla niin August thla atanga tomato chu seng theih tan a nih hnuah a man a tlahniam tan thin thung.
India ramah chhim lam leh khawthlang lam state te chu ramin tomato a tharchhuah 60% dawn an tharchhuah a ni a, India innghahna an ni bawk.