Toronto Masters atangin Djokovic inhnukdawk

Tunhnai Wimbledon five-set final-a world number one Carlos Alcaraz hneh zo lo Novak Djokovic chu a chauh tawng-khawng rih avangin thla thara Canadian Open khelh tur atangin a inhnukdawk.
Toronto tournament buat-saihtute chuan kum 36 mi Ser-bian inhnuhdawh thu hi puangin, a hmunruakah American Christopher Eubanks chuan main draw-ah hmun a chang.
Toronto Masters event-a vawili champion tawh Djokovic chuan Canada ram tournament nuam a tih thin thu sawi chungin a team-te nen an sawiho hnuah inhnuhdawh chu thutlukna dik ber nia an ngaih thu a sawi a, a thutlukna hriatthiampuitu tour-nament director Karl Hale lakah lawmthu a sawi nghal.
Canada ram ATP 1000 tournament hi August ni 7-13 chhunga khelh tur a ni.