Traffic SP tharin hna zawm

Traffic SP tharin hna zawm
Police Training School (PTS) Thenzawl principal kalchhuak ta Ruatsanga Ralte chuan Thawhtanni khan a hna chelh thar, senior SP Traffic Aizawl a zawm.
A kalsan tak PTS principal hi 1st IR Bn. commandant Lalthakima Ralte chuan a luah ve thung a, a ni pawh hian Thawhtanni vek khan a hna thar hi a zawm.
Traffic SP thar chuan sawrkar thu zawmin, an dahnaah mawhphurhna a koa tla hlen chhuak turin a lokal tih a sawi a. Aizawl khawpui traffic thunun leh dan kenkawh kawngah ngaihtuahna thar seng tlang turin a thawhpuite a sawm.
Principal thar nei police-te training-na hmun hi, ‘Police Training Centre’ tiin kum 1973 khan 1st Batallion Mizoram Armed Police Lungverh Sakawrtuichhunah bul tan a ni a, kum 1986 khan dan hmanga felfai zawka sawhngheh a ni. Kum 2011 khan Serchhip district Thenzawlah ram bigha 1229.99 a zauah sawn niin, Training Centre puitlinga puan a ni a, kum 2012 khan Training School puitlinga hlankai a ni. Tun thlengin PTS atang hian 16213 an zir chhuak tawh.