Travis Scott an man

Rapper Travis Scott chu Paris-ah hotel security guard te nena an buaina avangin French police ten an man hnuah prosecutor-in a chhuah leh ta a, Scott thupuangtu chuan charge engmah siam loin an chhuah leh ta niin a tarlang.
Travis Scott hi Georges V hotel security guard te nen thu inhmu lovin Scott hian tharum a hmang ta deuh a, chuvangin hotel lam hian police an pun ta niin report awm a, chu chu Zirtawpni zana thil thleng niin, Scott hi police ten an hreng zui a, mahse, Inrinni-ah an chhuah leh ta a ni.
Official te sawi dan chuan Scott (a hming tak Jacques Bermon Webster II), kum 33, leh a personal bodyguard chu an inhmuthiam lova, hotel security guard hian thelh a tum a, mahse, Scott hian tharum a lo thawh ta mai niin an tarlang.
Travis Scott hi Paris-ah hian Olympics chhimin a zin a, US mipa basketball team inkhel te pawh a en ve zak zak a ni. Scott hi hip-op star huhang nei lian ber zinga mi niin, Kylie Jenner nen fa pahnih an nei tawh bawk. Mahse, tunnaiah dan kengkawhtute nena an inhnimhnaih deuh chang a nei ta zauh zauh a, June thla pawh khan Miami Beach-ah khawlaia a zurui au ring deuh chu police ten an lo man tawh bawk a ni.