Triumph Speed 400 & Scrambler 400 X

Triumph Motorcycles chuan an Speed 400 leh Scrambler 400 X te chu a khuhhawnna an nei ta a, heng motorcycle chi hnih te hi Bajaj-Triumph nena an thawh hona rah a ni. A hming ang deuh hian Speed 400 hi a design leh hmingah pawh Speed Twin 900 nen a inzul viau a, Scrambler 400 X pawh hi Scrambler 900 leh Scrambler 1200 chhungkaw zinga mi tho a ni. Heng motorcycle chi hnih te hi Triumph-in an Hinckley plant-a an design leh siam chhuah a ni a, India-ah chuan Bajaj Auto-in Chakan, Maharashtra-a an plant-ah an siam ve thung dawn a ni.
Heng motorcycle chi hnih te hi a design a inzul viau a, a danglamna tlem azawng erawh a awm. Speed 400 hi modern classic roadster niin, fuel tank nalh zek zawk tak leh LED headlight bial a nei a, a engine a langsar vah a, chain drive leh machines Aluminium nen a tilang retro lehzual. A hnunglamah single-piece seat leh mudguard sang deuh veh vawh tak a nei bawk. A alloy wheels-ah Metzeler Sportec M9 RR tyre a hmang bawk.
Speed 400 hian 43 mm piston leh upside-down fork, 140mm travel neiin, a hnungah mono-shock a nei a, four-piston radial brake leh 300 mm disc nen a nei a, a kerb weight chu kg 170 a ni.
Triumph Scrambler 400 X hian dual-sport-Metzeler Karoos tyre a nei a, a exhaust hmawrah can pahnih neiin, a seat san zawng pawh 835mm (Speed 400-ah 790mm) niin, Speed 400 aiin a sang zawk. A wheelbase pawh a zau zawk a, travel suspension 150mm neiin a sei zawk a, a ke hmaah 19-inch wheel neiin, handlebar zau tha tak a nei bawk. Brake pedal lian zawk neiin, high-grip foot peg a neih chu a awmna a hniam zawkin a zau zawk bawk a, off-road-ah ding chunga khalh pawh nuam deuh zawk tura duan a ni.Kg 179 a rit a ni bawk.
Heng motorcycle chi hnih te hian TR-Series engine an nei ve ve a, 398 cc, liquid-cooled engine niin, 39.5 bhp @ 8,000 rpm leh 37.5 Nm torque @ 6,500 rpm pechhuak thei a ni a, 6-speed gearbox neiin, torque assist clutch a nei bawk.
Heng motorcycle-te hian ride-by-wire leh dual-channel ABS neiin, hei hi Scrambler 400 X-ah a switched off theih thung. Hei bakah hian analogue instrument console nena inzawm LCD screen neiin, hetah hian information hrang hrang- digital tachometer, range, gear position indicator leh thildang a awm a, a function hi a handle-bar mounted scroll button atanga control theih a ni a, USB charging point a nei bawk.
Speed 400 leh Scrambler 400 X te hi India-ah chuan July ni 5-ah an tlangzarh dawn a, a man tur hi official-a puan la awm lo mah se Triumph Speed 400 hi Rs 2,95,000 vel a nih a rinawm a, Scrambler 400 X hi Rs 3,15,000 vel a nih a rinawm ve thung.