Truck chesual khalhtu hmu zo lo

Keifang bula truck chesual pakhat chu a khalhtu chin hriat zui a ni loa, a bungraw phurh erawh a him nia sawi a ni.
Thudawn danin, he truck AS 11 DC 1788 hi August 29 khan Badarpur atangin Mizoram lam panin a rawn chhuak a, Churanchandpur district Manipur-a bungrua (eichawp) dah tur a ni. A thlen hun awma ngaihah a chin hriat zui loha a awm tak avangin truck neituten an rawn ngaihven zui a, Saitual Police chuan September 1 khan thu hi dawngin, Sub Hqrs YMA Saitual hnuaia Disaster Response Team nen Pathianni khan an bawhzui a, Aizawl atanga Keifang thlen hma, km.8 vela kawngthlangah a lum tih hmuhchhuah a ni. Kawng atangin metre 50 vela hlaah a lum a, a lum tlang zel tur hi thing lian takin a lo dang a ni.
Truck khalhtu hi mir Hussain (28) nia sawi a ni a, truck chetsualna bul vel hi an dap viau tawh a, hmuh a ni lo. Truck-in bungrua a phurh hi chu himdam takin a awm nia hriat a ni.