Trump-a chak dawn tih a lan rualin Tesla share hlutna 12%-in a pung nghal
US Presidential Election-a Donald Trump chet that chu khawvela pa hausa ber, Tesla CEO Elon Musk-a’n a chhawr nghal a, nimin vote chhiar laia Trump-a’n hma a hruai atangin Tesla share hlutna a pung nghal a, nimin tlai lama Trump-a’n hnehna a chang tih a chiang takah phei kha chuan Tesla share hlutna hi 12%-in a pung der tawh.
Hollywood milar zawng zawngin Kamala Harris an tan zawk emaw tih tur khawpa celebrity te Harris tana an au chhuah laiin Elon Musk hian Donald Trump a support ve thung a, Trump tan amah ngei pawh campaign-in, Trump-a campaign fund-a a sum chhun luh zawng zawng hi dollar maktaduai 100 chuang tling turin an chhut sak a ni.
Trump hian October thla khan a rally-ah President-a thlan tlin a nih phawt chuan Elon Musk hi government efficiency commission hotuah ruat a tum thu a lo puang tawh a, Musk pawhin government efficiency commission hotu a nih chuan federal budget atangin dollar trillion 2 a tihbo theih tur thu a sawi ve bawk.
Trump-a chak dawn tih a lan rualin Tesla share hlutna 12%-in a pung nghal
Get real time updates directly on you device, subscribe now.