Trump-a tariff leh India-UK inremna duh lohna lantir dawn
Central Trade Union (CTU) leh Samyukt Kisan Morcha 10 intelkhawmna, CTU-SKM chuan tun hnaia US President Donald Trump-a’n tariff sang laksak tuma India a vauna leh India-UK Comprehensive Economic Trade Agreement (CETA) duh lohna lantirna chu ram pumah karleh Nilaini hian an lantir dawn tih an puang.
Thawhtannia thuchhuah an siamah CTU-SKM hian Trump-a’n India bungrua an lakluha tariff 25% lak a tum leh Russia nena tuialhtheia insumdawn tawn ramte tariff sang laksak a tumna chu an duh lo hle tih an sawi.
“CTU-SKM chuan lo neitu, inhlawhfa, zirlai, ram hmangaihtute chu August 13, 2025-a hmun hrang hrang leh an zawmpui pawlten duh lohna lantirna tur – tractor leh motorcycle-a kawng zawh, duh lohna lantira punkhawm an huaihawt tur chu zawm vek turin a sawm a ni,” an ti.
India chu Trump-a’n tariff sang laksak a tum chu hnawla ram dang tu pawh, Russia pawh telin, sumdawnpui theihna dikna a neih chu kaltlangpui turin an ngen tih an sawi.
India-UK CETA pawh ennawna a rang thei ang bera siam tha turin an phut bawk.
US-India sumdawnna inremna pawh hun lo kal zela inchimralna a awm lohna tura titawp vek turin an duh tih an sawi.
Hun lo kal zelah sumdawnnaa inremna chu a ruk ni lovin, parliament rorelna paltlang leh vantlang rawna tih zel ni se an ti bawk.
“East India Company-in sumdawnna hmangin India an awp a, vawiinah pawh CETA leh US nena sumdawnnaa inremna hi min chim ral tumna thar a ni,” tiin an tar lang.
August 13-ah hian lo neitu leh thawktute zawng zawng chu ram inrelbawl hran nihna leh zalenna vawng him tura thawk chhuaka mi dangte hnenah thu chahtu ni turin an thawk chhuak dawn tih an sawi a. Russia nena insumdawn tawn avanga India laka ram dang chet dan chu an duh lo hle tih an sawi.
US-in sumdawnna a kalpui danah American sumdawngte tana ram danga inzawrhna hawna ram dangte chhiah laksak a tum leh si chu ram pakhat hmuhsitna nia an ngaih thu an sawi.