Trump-a’n Beyonce-’n Kamala Harris a thlawp dan chhui tul a ti

Trump-a’n Beyonce-’n Kamala Harris a thlawp dan chhui tul a ti
Nikum November-a US President inthlan dawn lai vela milar hrang hrangin Democratic candidate Kamala Harris an thlawpna an tihlan danah milarte hian sum an dawng niin report a awm a, chung zingah chuan Beyonce pawh a langsar pawl niin, kha inthlana hnenah chang ta zawk Donald Trump chuan chhui chian tula a hriat thu a puang.
Beyonce hi Harris-i’n Houston-a inthlan campaign rally a neihnaah a inlan thut a, he rally-ah hian zai lovin thu tawi a sawi a, mahse Trump chuan May ni 19-a a social media platform Truth Social-ah, “News report atanga a landanin, stage a inlan zuai a, Kamala thlawp a, hla khat pawh a sak loh avanga an boo zui taknaah khan Beyonce hian dollar maktaduai 11 a dawng. In la hria em, Democrats leh Kamala ten dik lo taka dollar maktaduai tam tak pein, engmah ti lovin Kamala a thlawp zuai ringawt a nih kha. Hei hi intlanna dan kalh a chetdan turu ber a ni! Dan kalh a campaign conrtibution a ni,” a ti.
Trump hian Beyonce bakah Bruce Springsteen, Oprah Winfrey, Bono leh midang tam tak pawh an insawifiah ngai ngei dawna a hriat thu a tarlang bawk.
Trump hian candidate ten anmahni thlawp turin tute pawh sum leh pai an pe thiang lo niin a tarlang a, entertainment chhuanlamin hetiang hian a khingpui te chu an che niin a tarlang bawk.
Hetihlai hian Beyonce nu, Tina Knowles chuan a fanuin Harris campaign a inlan turin sum a dawng ni a sawi chu thu dik lo a nih thu a lo sawi tawh thung.