Trump-an ‘Ringtu‘ tha zawk nih phah

Donald Trump chuan X owner Elon Musk nena live conversation an neihah thla kaltaa Pennsylvania rally neihnaa kah a nih chung chang a sawi a.
Trump chuan kahhlum tum a nihna a pumpelh thei hlauh a, mahse, a beng vei lam silaimu in tai thungin a thi nasa hle a, ‘ringtu tha zual ka ni tain ka hria’ tiin a sawi.
“Silaimu a ni tih ka hre nghal a, ka beng a fuh tih pawh ka hre nghal a ni” tiin kum 78 a upa chuan Musk nena an titi dunnaah a sawi a, an titi hi mi maktaduai chuangin an ngaithla a ni.
“Pathian awm ring lo te tan, inngaihtuah nawn leh hun niin ka hria” a ti bawk a.
Trump chuan a lu a thlek hlek dan chu ‘perfect angle’ tia sawiin chuvanga him hlauh a nih thu a sawi bawk a.
“In hriat angin, ringtu ka ni a. Tunah erawh a hma zawng aiin ringtu nghet ka niiin ka hria. Chu chu midangte pawhin min hrilh dan a ni a. Kha thil thleng kha a mak a nia, ka thlek hlek dan kha a tawk chiah chiah a lo ni” tiin Republican presidential candidate chuan a sawi.
Trump kahhlum tumtu Thomas Mathew Crooks khan Trump thah a tumna lamah rally a tel midang pahnih kaphlumin a hnuah Secret Service ten an kaphhlum zui ve nghal a ni.