Yunis-an theihtawp chhuahin hma la

Bangladesh leader thar chu a chiang hle mai : A revolution a ni lo va, a dream a ni hek lo.
Mahse Muhammad Yunis chuan kar kaltaa zirlai pawl tena an ngenna a pawm veleh an duhdan tihhlawhtlin chu a tum bur mai a ni.
Zirlaite pawhin Prime Minister Sheikh Hasina ban hnuah power vaccum luahkhat turin kum 84-a upa Nobel laureate chu an mamawhin an ngen a ni. Zirlaite sawmna leh ngenna chu a pawm var reng a.
“Ka pawmna chhan chu he ram thalai te duh dan a nih vang a ni a, tanpui ka duh a ni” tiin Yunis chuan a chenna Jamuna State House a chanchinbu mite a kawmnaah a sawi a.
“Ka dream a ni lo va, an dream a ni. Kei chuan an dream tihhlawhtlin theih nan ka pui dawn ang a ni” tiin a sawi.
Prof Yunis chu zirlai pawl ten thla a thla sorkar laka lungawilohna lantira nawrh an huaihawt hnua sorkar paihthlak a nih hnuah Bangladesh hruai lailawk tura tih mek niin a hna hautak dan tur zia chu a la hrefiah mai thei tawk lovang tih a i.
Yunis chuan chinfel ngai hmasa ber chu security a ni tia sawiin tharum thawhna nasa tak avanga mi 400 chuangin nunna an chan phah hnuah Bangladesh chuan police mumal a nei lo, police union ten strike an nei mek a, traffic te pawh zirlai ten an guide mek hial a, police station za tel hal chhiatin a awm bawk si.
“Law and order chinfel hmasak ber a ngai a, tichuan mipui ten lungmuangin hna an thawk thei dawn a ni” tiin Prof Yunis chuan a sawi.
Yunis hmalakna chuan rah tha chhuahin police officer te pawhin an hna an zawm tan zel a, mahse, security chauh chu harsatna a ni hauh lo.
Sheikh Hasina-in an ram a chhuahsan rual chiahin sorkar chu ‘bo hma’ ang a ni tiin Prof Yunis chuan a sawi bawk a.
Kum 15 chhung authoritarian rule in an hnutchhiah chu buai chuar thil vek a ni a ti bawk a.
“Sorkar kalta khan eng nge a tih, eng pawh an tih kha awmze nei lo a ni. Administration awmzia reng an man lo” tiin Prof Yunis chuan a sawi bawk a.
Mahe buai nuai nuai karah ‘beiseina tam tak a awm’ tiin prof Yunis chuan a sawi bawk a. “Kan awm e, an tan mithar kan awm a, ram tan a ni. A tawpah chuan monster a bo tawh a, a phurawm a ni” tiin a sawi bawk.
Reform chu thil pawimawh ber a ni tiin prof Yunis chuan a sawi bawk a. Tun Bangladesh buaina pawh hi reform ngiatna vang a thleng a ni a. Kum 1971 Bangladesh war of independence a inhnamhnawih tu leh fate zel tana sorkar hna hauhsak tihtawp ngiatna atanga irhchhuak a ni.
A pawi ta chu zirlai pawl te thil ngiat chu security service ten dim hauh lova nuaichimih tuma rawng taka an chetlaknain a zui chu a ni.
Reform chu mamawh ber a ni tia sawin prof Yunis chuan Sheikh Hasina sorkar hnuaiah freedom of speech rahbehin a awm a, a hmalak dan hnialkalh te chu lung inah a khung rem rum bawk a.
Freedom of speech crackdown tuartu zingah Prof Yunis ngei pawh chu telin Sheikh Hasina sorkar langsar taka sawiseltu a ni a. Chu tak chu chhang letin Sheikh Hasina chuan Prof Yunis-an Nobel Peace Prize hial a lakna a micro-loan chu hnualsuatin Yunis chu ‘mipui hmelma’ ti hiala sawiin thlaruk lung in tang turin a ti nghe nghe a ni.
Mahse, Yunis tan reform ngai radical, ideas tam tak a la awm dawn chauh thung a. Judiciary reforms pawh tihmakmawh niin zirlai te chuan chief justice chu bang tura an phut nghal zinga tel a ni.
Prof Yunis pawhin judiciary chu independent in a awm lo tia sawiin ‘superior authority’ atanga order la a ti bawk a. “technical term chuan chief justice a ni a, mahse, a nihna takah chuan mi khaihlumtu mai a ni” a ti bawk.
Yunis chuan thutlukna an la siam zel turah mi tin te duh dan ang thlap a ni dawn lo tia sawiin mahse hruaitu hmasate ai chuan thutlukna tha zawk an siam a beisei thu a sawi bawk a.
“Ka tawnhriat tawh te atanga chhutin sorkar ka kalpui tha thei ka ti lo. Ka sawi zawng chu pawl kalpui danah tawnhriat ka nei tih a ni. Chungte chu hman tangkai ka tum ang a, thenkhat te sawiseltu an awm dawn tho, mahse, kan paltlang a ngai a ni,” tiin Yunis chuan a sawi