Trump leh Zelenksy inkawm

Republican presidential candidate Donald Trump leh Ukraine hruaitu lu Zelensky te chu Trump-a chenna Trump Tower-ah inkawmin, Russia war tihrehna chungchang an sawi.
Trump hi campaign-a a chhuah reng avangin, Ukraine leader nen hian an inhmu lawk thei lo a, an inhmuh theih hnuah Zelensky chuan Putin-a chuan hnehtu zawk nih ngei tuma a beih reng thu leh, mi hriatna tizau deuhte ngaihdanah phei chuan indona hmanga hnehtu nih a tum thu leh chu chu tih theih a nih lohziate thlenga hria se a duh thu Trump hi a hrilh a ni.
Zelensky leh Trump hi inpawh taka inkawmin, Trump chuan indona a reh ngei theih nan Ukraine chu tlawh ngei a tum thu leh, tireh tura a beih tur thu a lo hrilh bawk a, president a a tling leh a nih chuan Russia president pawh hmu nghal tura zin vat a tiam bawk.
Zelensky chuan, Putin-a’n pawisawi lo tam tak a tihhlum tawh thu hrilhin, keini chuan indona hi reh tawh se kan ti hle, a ti a. Kan huamchhungah hian zalenna hi awm se kan duh tia hrilhin, anni lam chuan indona hmanga kan engkim neih vek an duh a ni, a ti.
Trump chuan Zelensky chu a tling a nih chuan theihtawpa puih zel a inhuam thu lo hrilh ve bawkin, Russia a hlauh loh thu leh, a tul chuan indona tireh tura Putin pawh kalchilh mai a inpeih reng thu a lo hrilh ve bawk.