Tualchhung thilsiam phochhuak

Tribal Cooperative Marketing Development Federation of India Ltd (TRIFED) leh DC office Champhai tangdun chuan Inrinni khan Champhaiah Tribal Artisan Empanelment Mela a buatsaih.
SDO (Sadar), DUDO Champhai Dr Manesia Khaimeichho leh TRIFED atanga lokalten local artisan-te kawmin an thilsiam an zirchiang a, tul leh pawimawh an hrilhhre bawk.
Mela buatsaihah hian Champhai district-a mahni kutthemthiamna hmanga thil siam thin, local artisan 31 telin an thil siam leh neih angte an pho chhuak. TRIFED hotute leh an thawhpui North Eastern Handicrafts & Handlooms Development Corporation Ltd aiawha lokalten an thil phochhuah hi TRIFED guidelines zulzuiin an endik a ni.
Local artisan-te hi TRIFED chuan empanelment neihpuiin tha an tih angte chu a sample an lei sak a, thiamna bik nei mi hrang hrang awmna PSP Committee Guwahati-in a lo zirchian atan leh tul anga a bawhzui turin an thlen dawn a; thil dehchhuah quality, packaging, labelling, rate leh thildanga hmasawn ngaihna a awm nia an hriat chuan a hranpain training an siamsak dawn a. Local artisan-te thil siamchhuah hi zau leh tam tham zawka zawrh chhuah theih dan kawng an dap dawn a ni.
TRIFED hotute sawi danin, Tribal Artisan Empanelment Mela thawhkhatna kaltlangin Aizawl, Serchhip, Hnahthial, Lunglei leh Lawngtlai-ah mela buatsaih a ni tawh a. A thawhhnihna kalpui mek niin, Khawzawlah zawh a ni tawh. Champhaia zawh hian Mamit leh Kolasib-ah neih a ni dawn a ni.