Tualthihna kaihhnawiha puh chhiatna MTP-in chhanglet

Mara thalai pawl lian ber, Mara Thyutlia Py Hqrs. hruaitute chuan kar kaltaa Siaha mi tualthihna chungchanga puh hmingchhiat an nihna an sawifiah.
MTP Hqrs. president Pakhaw Chozah chuan KL Zoasa tualthih thu-ah demna leh tualthattu hum tum anga puh an ni chu hriatthiam harsa a tih thu a sawi a. He chhiatna thleng avanga mipui, MTP member-te leh Central YLA hruaitute leh YLA branch-te thawhhona leh inpeknaah lawmthu a sawi a ni.
MTP Hqrs general secretary Israel Chozah sawi danin, pawikhawihtua puhten ruang an dahna hrilh turin Tuipui Ferry atangin tualthattute zinga mi pakhat an hruai a, nasa takin police nen inchuhin ruang an hmuh hnuah pawh police-ten Lawngtlai chhuahsan thei lo tura an dan beh tlat hnu ah MTP Hqrs leh CYLA nen tangdunin theihtawpin an innawr a, hemi hnu hian an thutiam ang ngeiin tualthattu hi Tuipui Ferry thlenpui a ni a, IR police tam tak nen innawrin police-in an tam hneh em avangin tualthattu hi police-in an la a, hliam leh kut inthlak pawh a awm nual tih a sawi a ni
An thil tawn leh hmalak dan MTP Hqrs hruaitute hian sawifiahin, an thutiamah an dingnghet a, tualthattu pawh hi Mara leilung thlenpui a ni a, MTP Hqrs demna leh tualthattu hum tum ang hiala puh an ni chu hriatthiam harsa an tih thu an sawi.