Tui chhunga pull-up ti tam thei record siam

Egyptian free diver Ramy Abdelhamid, kum 36, chuan thawk la miah lovin tui chhungin pull-up vawi 33 a ti thei a, Guinness World Records a siam.
Pull-up chu exercise lak dan hahthlak zet mai a ni a, chunglama bar khamah kut pahniha in uai tangin, lei rap lovin an uai a, an ban chu kiu-ah tithlepin an inpawt kang a, bar kham chungah an khabe an dah chhuak a, chumi hnuah an ban timarin an uaithla leh thin.
Abdelhamid chuan, “Mi tam chuan thil harsa lo tak a nih an ring ang, a chhan chu tui chhunga chunglama inpawh chuan kan kâng awlsam bik a, an ti ang. A dik chiah, mahse, a harsa zawk chu uaithlak leh lai zawk kha a ni,” a ti.
Abdelhamid hi tui chhung feet 29 leh inches 6 a thukah liluhin, chutah chuan pull-up a tihna tur hi an siam a. Tui chhunga a liluh dawna thawk a lak bak boruak hip leh tawh miah lovin tui chhungah pull-up hi vawi 33 a ti thei ta a ni.