Tui pump-na hmunah hnatlanpui

Tunhnaia ruahsur nasa in Aizawl khawpui tui lakna, Greater Aizawl Water Supply Scheme Phase I chhehvela hnawl a chhekkhawm thianfaiin adveture club – Zotrek chu Ningani khan an hnatlang.
GAWSS-I lama leivung awmkhawm leh thing lian in tui lakna hmanrua leh thawktute awmna a nek chhiatna lai vel chu Zotrek member-te hian an thianfai a. Midangin an la khawih ngam loh laite tihfel puiin, PHE department thawktute nen thing zai ngai an zai a ni. Dum leh balu in tui pump-na a hnawh vek a. Hei vang hian tui pump lamah pawh harsatna a la awm a, tun tuma Zotrek-in an puihna a pawimawh hle tih PHE hotute chuan an sawi.
Tuilian hian khawl a tihchhiat bakah hna a thawh sawt theih loh vangin hmatlan hi an sawt phah hle tih an sawi bawk.
Zotrek hruaitute chuan, khua leh tui tha an nih angin, Aizawl khawpui chawmtu tui pump chhuah chu mitinin kan mamawh bulpui ber a ni a, thenfai hi an mawhphurhnaah ngaiin hnatlang hi an ko tih an sawi a ni.