Tuilian lak la hmu lo

September 12 zana Tuikual lui lian thutin a lak nia hriat Lalhmingmawia (54) h/o H Lalremveli, Dinthar Veng chu September 13 zan dar 7.00 thleng kha chuan a ruang hmuh a la ni lo.
Thudawn danin Lalhmingmawia hi Thawhlehni zan khan Beihrual Inkhawmah thupui hawngtu niin, inkhawm ban veleh an chenna, Dinthar Veng mawng lam, Tuikual lui bula an vawk vulh chu ruah bawhawk sur khan a tihbuai hlauin hmun dangah sawn a tum a, a vawk hi talchhuakin an inumzui leh laiin tui lian hian a la ta nia hriat a ni.
Thawhlehni zan la la khan Dinthar Veng leh an veng thenawma mi tlawmngaiten zawng nghalin, an hmu lo a; Nilaini khan zawn chhunawm leh a ni a. Dinthar Veng bakah Ainawn Veng, Maubawk leh Lawipui; Sairang, Sairang Dinthar leh Sairang Sihhmui ten an huamchhungah an zawng a. Central YMA team leh State Disaster Response Force ten an zawnpui bawk. He chanchin buatsaih lai, Nilaini zan dar 7.00 vel thleng chuan a ruang hi hmuh a la ni lo.