Infiammite leh intihsiakna hmachhawntute ch^k leh thl^khlelh ber chu lawmman dawn a ni a. Lawmman d^wng phak nih hi a hluin a ropui a, a pawimawh tel bawk. Infiamna leh hringnunah hian lawmman dawng ph^k lo chunga hnehtu a awm theih thung a. Chung mite chuan zah leh ngaihsan an hlawh thin.
Kum 1968 khan khawpui pakhata mihring cheng tam berna Mexico City chuan infiammite khawmpui lian ber ‘Nipui Olympic’ a thleng a. Hemi tum hian kawng thui intlansiaknaah thil mak danglam tak thlengin, lawmman pakhatna dawngtu Mamo Wolde aiin a tawp berna John Stephen Akhwari a larin ngaihven a hlawh z^wk teh tlat.
Tlai ni tla hnim ruih chuan Mexico City chu a chhun >ng ph<t a. Khelmuala mipui pung khawm sang telte chu an tin darh s<ng s<ng a. Thuthar thehdarhtute pawhin khelmual an chhuahsan deuh duak tawh bawk. Chutihlai chuan bai lauh lauh chungin John chu a rawn thleng ve hlawl a. Khelmuala awm ang angte chuan mak titaka thlirin an bawr h^t h^t hlawm. Hliam na tak tuar chunga a tawp a thlen av^ng chuan zahna chibai an buk a, uar taka kut bengin an lawm hlawm. Chanchinbumi la awmte chuan a van karak zawngin thla an la de zawr zawr a. Chung thlalakte chuan chanchinbu phek hma luah khatin lawmman pakhatna dawngtu Wolde a luahlan ta hial a ni.
Tanzania aiawha intlansiak hmachhawn John hian kawng chanve velah hliam na tak a tuar a. A hliam av^ng chuan a hnufum ta hle. Thei leh thei lovin a hma lam a pan hram hram a. Thleng hmasa ber Wolde aiin darkar 1:05:07 tehrengin a thleng har zawk! Kawng tawp tlan thleng zinga thleng hnuhnung ber a ni fal nalh. Chanchinbumite chuan hliam na tak tuar chunga a tawp a thlen hr^m chhan an zawhna chu “Kan ram hian a bul tan tur ringawtin min tir lova, a tawp thleng turin min tir a ni” tiin a chhang. John hian lawmman dawng phak hauh mah suh se, a tawp a thlen av^ngin a hneh a ni. Chhuan thar lo awm zelte pawhin ‘hnehtu mi huaisen’ tiin an chhal a, zahna an hlan nawn ta zel bawk.
Kawng thui intlansiakna v>kah pakhatna ni thei reng chunga pahnihna ni lui ngat Spanish tlan chak; Ivan Fernandez chezia te kha ava’n mawi em aw!
Kum 2012 December thla khan Burlada, Spain-ah kawng thui intlansiakna neih a ni a. Kenya aiawhtu Abel Mutai a che tha hle a, hma a hruai deuh ngar ngar. Pakhatna ni ngei tura ngaih a nih laiin Mutai hian ngaihhai a nei a, chhinchhiahna a hmuh sual av^ngin intihsiakna a zo tawh emaw a ti a, a inthlahdah hle tawh. Mutai hnung chiaha tlan Ivan Fernandez chuan thil mak a rawn thlentir ta tlat thung. A hmaa tlan Mutai chu, “Intihsiakna a la tawp lo, tlan zel rawh” tiin a au tuarh tuarh a. Spanish tawng a hriat thiam loh av^ngin Mutai a inthlahdah zui zel thung. Fernandez chuan tawngkaa hrilh duhtawk lovin tlan zel turin a nam ta hial a. Tichuan, Mutai chu pakhatna niin Ivan Fernandez chu pahnihna a ni ta a.
Pakhatna ni thei reng si pahnihna ni lui a, Mutai a lehpel duh tlat lo chuan mak tih a hlawh kher mai. Engvanga tlan pel lo nge a nih tih an zawh chuan “A tlan tha >m >m a, pakhatna nih kha a phu z^wk a ni” tiin a chhang a. ‘Pakhatna i ni thei reng si a’ tia zawhna chu, Pakhatna lo ni tehreng pawh ni ila eng nge a hlutna awm ang? Zahawmna a nei chuang dawn em ni? Ka nuin engtin nge a ngaih ang?”, tiin a chhang fan. Zahawm lo taka pakhatna nih ai chuan zahawm taka pahnihna nih a thlang a. Hnehna hlado chham lo mah se mi thinlungah hnehtu a ni a. Zahawmna medal awrhtir a ni reng thung.
Chak duh luat, tlin duh luat, hausak duh luat av^nga zahawmna bosal a, mawi hawih pawh dawn lo, mi mit mei veng hl>k lote hnehna ai chuan Fernandez-a tlawmna hian thu mawi leh awmze nei a sawi ring zawk a. Chak ber ni lo mah se hnehtu a ni.
Thawkkhat lai Social media lama lar deuh, mi lawm hlawh tak pakhat chu naupang pahnih: Hasbulla leh Abdul Razik te inhmachhawn, an incho tawn vel video kha a ni.
Hasbulla leh Razik te hi en mai chuan naupang te ni awm tak an ni a. Chik hret erawh chuan upa f^ng; kum 18 leh 17 a upa an lo ni reng thung. |han theih lohna hriin a tihbuai an ni a, an t> dun hle. MMA fight hmachhawn tur an ni a, infiammite zinga chhiar tel a inthlahrun awm loh ang chu maw. Lawm hlawh deuh zawka ngaih theih Mini Khabib Hasbulla an tih mai kha kum 18 mi niin a chungchang a sawi hi a ngaihnawm ngawt mai. “Mi hmuh ang ka hmu thei a, kut leh ke kim neiin, mi neih ang ka nei a. Pianphunga rualban lo tiin ka insawi ngai lo” a ti a. A rilru a hrisel ngawt mai. Vanduai inti tura kan ngaihte hian vanduai an lo inti ngawt lova, khawsak phung leh pianphungah pawh awhawm pui pui nia kan ngaihte hian vanduai an lo inti leh zawk tlat thin lawi a. Hringnun hi chu a mak ve ngawt mai.
Pakhat zawk; Razik hi zaithiam a ni a, rapper lar ngat a ni. Tajikistan-ah chuan zaithiam hriat hlawh ve tak mai a ni a. Zaithiam tawi ber tia chhinchhiah a ni nghe nghe. A pumraw tet av^ngin a indawm kun ngawt lo va, rim taka thawkin, huaisen takin nun a hmachhawn a. Khawvel hriatah a inphochhuak ta hial maite hi zirlai tha tak min pe a, thalaite min cho a ni.
America’s Got talent 2021 a nula Jane-i, February ni 19, 2022 a ropuina rama kaisang ta mawlh kha. Cancer in a tihbuai mek, damchhuah leh chance 2% lek neia an sawi nula kum 30 mi, endiktu lar Simon Cowell-a’n Golden Buzzer a hmeh phah tak hial nula kha. Distinction-ah pawl 10 a pass tih hre hlimhlawl, a pass lawm nana a duh ang tak Smart phone lei thar hlim ang maiin a lungawi hmel hliah hliah a, mawi takin a nui sen sen. Ngaihnobei taka nui sen sen chungin ‘it’s okay’ zu ti reng thei a mawle...! Ka va’n tluk lo tak! “ Zero ai chuan 2% hi a tha zawk e. 2% ah chuan eng emaw tak a la awm thei a lawm” tiin a beiseina thu ril a sawi a. “Hlim i tum hmasak zet loh chuan, hringnuna harsatna a reh fel vek hun i nghak chhuak hmasa ngai lovang,” tiin fuihna thu a sawi zui ta hial zawk a nih nghe nghe kha.
Beidawng tura kan ngaihten huaisen takin beiseina an nei a, nun hi an sual a. |halai chak tha zawk, hmabak >ng tak neia kan ngaih zawkte beidawngin an indawm kun leh tlat thin si. Vanneihna leh vanduaina kan teh dan hi a dang thei teh e maw? Jane-i hian natna tihbaiawm tak cancer sual hneh lo mah se a ngam tawh thung. Huai zawk an chak vek kher si lo va.
Hringnunah hian chawimawina dawngtu aia zah phu leh mi thinlunga thu sawi ring z^wk a awm theih a. Ropuina leh hausaknain a lei theih loh chu zahawmna a ni reng bawk. “Isua ni se eng tin nge a ngaih ang?” tia ngaihtuah tlat thinte chu tlawm mah se hnehtu an ni thin. Hnehtu rau rauah tlawmna mawi nena hnehtu a awm theih a, mawi lo leh zahawm lo taka hnehtu a awm theih bawk. Heng thil pahnihah hian tu nge hnehtu zawk nia i ngaih le?
Ziaktu : Hruaia Pa
Get real time updates directly on you device, subscribe now.
Prev Post
Next Post