Tunge Taylor Russell?

Tunge Taylor Russell?
Harry Styles nen an in-date niin thu a thang a, chuvang chuan ‘tunge Taylor Russell?’ tih zawhna hian ngaihven a hlawh nghal hle a ni. An pahnih hian London lama inhuat loh hmel deuha an awm lai thla an lo la fuh tlat mai a, an chanchinin ngaihven a hlawh ta a ni. Mahse, Taylor, kum 29, leh Harry, kum 29, te hian an pahnih chungchang hi engmah an la puang lo thung a ni.
Harry Styles hi ‘Don’t Worry Darling’-a a chanpui leh he film director ni bawk Olivia Wilde nen kum hnih vel an inzui hnuah nikum November khan an inthen hnuah, kumin March thla khan Emily Ratajkowski nen an an inzui ve leh zuai zuai a, tunah Taylor Russell hi a rawn lang ve leh ta a ni.
Taylor hi lemchan khawvela hming rawn chher tan mek a ni a, Canada a piang niin, ballet dancer emaw painter emaw nih tum thin khan kum 18 a tlinin acting class a kal ta daih a, tichuan Los Angeles-ah audition turin a thawk chhuak ve ta a ni.
2018-ah Netflix sci-fi series ‘Lost in Space’-ah Judy Robinson lemah changin, hei hi lemchan khawvela a hming a chher tanna a ni ta. 2019-ah horror film ‘Escape Room’-ah leh darama ‘Waves’-ah a chang leh a, 2022-ah Timothee Chalamet nen ‘Bones and All’ an chang dun leh a, hei hian a vawrh lar zual leh ta a ni.
Taylor leh Harry te hi engtika intawng nge tih a hriat theih loh a, mahse, kumin June thla te pawh an chhuak dun lai an lo hmu tawh a, Vienna lamah pawh an khawlai leng dun lai an lo hmu tawh bawk. July ni 8 khan Harry Styles concert-naah Taylor hi VIP takin a lo tel tawh bawk. August ni 9 khan an pahnih hian inhuat loh hmel taka an awm dun leh an hmu leh ta a ni.