Twitter-in Threads khinah vau zui nghal

Twitter chuan an elpui thang chak lutuk Meta ta Threads te chu dan hmanga khinah an vau zui nghal a.
Threads hi Nilaini khan tlangzarh niin Twitter ang tak niin Meta boss chuan ‘friendly’ alternative tiin a sawi a.
Twitter neitu Elon Musk chuan “Inelna hi a tha a, mahse, inbuna chu a tha lo” tiin a sawi a. Meta te chuan ex-Twitter staff in Threads siam a nihnaah a pui tia puhna awm chu an hnawl bawk.
Meta te chuan hun rei lo te chhungin 30 million in Threads chu an hmang nghal tiin an sawi a. Threads hi twitter nen a inang hle a, news feeds leh reposting te pawh inang tak a ni.
Twitter attorney Alex Spiro chuan Meta CEO Mark Zuckerberg hnenah lehkha a thawnah Meta te chuan ‘systematic, tihluih leh dan kalhin twitter trase secrets leh intellectual property rights te chu Threads siam nan an hmang a ni’ tiin a hrilh a.
“Twitter chuan khauh takin intellectual property rights a neih te humhim a tum a, Meta chu Twitter trade secrets leh confidential information hman luih a nih loh nana hma la turin kan ngen a ni,” tiin lehkhathawn chuan a tarlang a ni.
Musk-an “Inelna hi a tha a, mahse, inbumna chu a tha lo” a tih pawh hi he lekhathawn chungchang a sawi zuina anga ngaih a ni a.
Chutih lai chuan Meta thupuangtu Andy Stone thung chuan “Threads engineer team-ah twitter employee pakhatmah an awm lo,” tiin a sawi ve thung.
Thread hi Instagram nena inthlunzawm a ni a, mahse a hranpaa awm a ni thung. Tlangzarh a nih atangin hun rei lo te chhungin a lar nghal em em a.
Twitter hi hmangtu thla tin 260 million vel awm anga sawi niin Nngani khan Twitter CEO Linda Yaccarino chuan an paltform chu a lem siam ve theih a ni lo tiin a sawi ve thung.