UD&PA hnathawh hmun 8-ah endik

UD&PA hnathawh hmun 8-ah endik
UD&PA minister K Sapdanga chuan Inrinni khan an department hnuaia hnathawh hmun 8 ami a endik.
UD &PA hnuaia hmasawnna ruhrel hrang hrang thawh mek hi a viltu engineer, official-te leh mi pawimawh dangte nena thawk chhuakin a sak hna kalpui dan an thlirhoa. Hnathawh mekte hi a tha tlang viauah an ngai a, tha taka chhunzawm tura chahin hnathawktute chungah minister hian lawmthu a sawi. Hna thenkhat, tan lak ngai deuh, thawktu contractor-te pawh rintlak leh tang zawka hna chhunzawm turin a chah bawk.
Project a tlawh hi – Zodin Multi Level Parking cum Utility Centre, Reconstruction of Sanitation site office Tuikual, Aizawl Convention Centre (Phase I & II) MINECO, Multi Utility cum Community Centre Tuikual North, Extension of Sports Centre Chawnpui, Multipurpose Hall Chawnpui, Multipurpose Community Hall Zonuam, Multipurpose Parking cum Vegetable /Meat Market Chaltlang te a ni.
Heng hna zingah hian kum 2018 atanga thawh tan tawh Zodin Multi Level Parking cum Utility Centre chu mipuiin an nghahhlelh tawh thu UD&PA mionister hian sawiin, contractor-te pawh tang lehzuala thawk turin a hrilh. He project-ah hian smart transformer installation leh robotic parking chu testing and commissioning hmabak a ni a. Hei hi a rang thei anga thawk turin department hotute leh contracto- te chu a hriattir bawk.