Uefa-in away ticket an tihniam

Tun season-ah hian Uefa chuan Europe-a mipa club competition pathumte away match enna ticket man a tihniam tih an puang.
Champions League game enna chu ticket pakhat euro 60 (£50.55) chhunga khung tur a ni tawh dawn a; Europa League enna man to ber pawh euro 40 (£33.70) pel lo tur niin, mipa inelna hniam ber Conference League phei chu euro 20 (£16.85) lekin mikhual fan-te’n a hmunah an en thei tawh dawn.
Season tharah phei chuan a la tlawm lehzual dawn a, Champions League away ticket leinaman to ber pawh euro 50 (£42.12) a ni tawh a, Europa League pawh euro 35 (£29.48)-ah a tlahniam ve bawk ang.
Tarlan tak angin, he ruahmanna thar hi visiting fans tan chauha ruahman niin, home supporter-te chuan an la lei to zui zel ang.
2019-20 season-a away ticket man kha chu Champions League-ah euro 70 (£63.50) niin, Europa League pawh euro 45 (£41) a kai a, away ticket sang hian sawisel a hlawh chho ve reng a, tun seaosn atangin Uefa lamin an tihniam dawn ta a ni.
Uefa president Aleksander Ceferin chuan fans hamthatna ngaihtuaha Uefa thutlukna a nih thu a sawi.