UG exam-ah zaa 66.62 pass

Mizoram University hnuaia under graduate (UG) result Thawhtanni khan tihchhuah a ni a. Pass percentage hi zaa 66.62 a ni.
Under graduate exam (VI semester) result-ah hian Arts stream-ah zirlai an tam ber a, regular 5003 leh repeater 532 an ni a; regular 3326 leh repeater 260 an pass. Science-ah regular 685 exam atangin 489 an pass a, repeater 53 exam atangin 21 an pass. Commerce-ah regular 401 atangin 348, repeater 24 atangin 15; home sciece-ah regular 12 atangin 11, repeater 7 atangin 5 an pass a ni.
A vaiin regular 6101 exam atangin zirlai 4174 (68.42%) an pass a; repeater 616 exam atangin 301 (48.86%) an pass. Regular leh repeater belhkhawmin zirlai 6717 an exam a, 4475 (66.62%) an pass.
Arts stream a ti tha ber chu Lalhlimpuii, Pachhunga University College niin, science-ah Lalhriatzuala, Pachhunga University College; commerce-ah David R Lalhumhima, Pachhunga University College; home science-ah Gracy Lalruatthari, Govt. Zirtiri Residential Science College a ni.
Subject 27 awmah subject 19-ah Pachhunga University College zirlai chu a titha ber (topper) an ni a, subject 4-ah Govt. Zirtiri Residential Science College niin, Govt. Aizawl College, Mizoram Christian College, HATIM leh Govt Champhai College chuan pakhat theuh an hauh bawk.