Uganda nursery school-a naupang pali vit hlum

Uganda khawpui, Kampala-a nursery school-ah naupang pali, kum hnih leh kum thum vel chu ‘rawng taka vih hlum an ni’ tih police-in an sawi.
Mipa naupang pathum leh hmeichhe naupang pakhat hi an thi nghal niin police thupuangtu chuan a sawi a, zing lama pawikhawihna thlengah hian a titu hian hian chemte pakhat aia tam a hmang tih a sawi bawk.
Kum 39 mi mipa man a ni a, thu zawh fiah mek a ni a. “He thil sual tihsual rapthlak tak chungchanga a chhan, a hnuhma leh thil dang kaihhnawih awmte chu chhui chian chhunzawm zel a ni,” tiin Uganda Police Force chuan X-ah a tar lang.
Police thupuangtu, Racheal Kawala-i chuan nu leh pa thinrimten an sawisak hmain a titu nia hriat hi an man tih a sawi niin news agency AFP chuan a tar lang.
Social media-a a hnu lama thil thleng video darhah chuan mipui thinrim leh lungngai taka awmte thlalak a lang a, thenkhat chu nu leh paten an fate chanchin an ngaihven lai nia ngaih a ni.
Kawala-i chuan mi sual hian tun hnai khan Ggaba Early Childhood Development Program School-ah naupang enrollment chungchang zawt turin a tlawh a, Ningani kal leh turin an lo hrilh niin a sawi.
“Admission tihna man a pe a. A kal zel a, heng naupangte hi a bei a, pali chu a that a ni,” a ti a. He mi thah hi tual chhunga Ningani chawhma dar 11:00 (India-a chawhnu dar 01:30) hma deuhva thleng a ni a, hei hi police-ten manganga kotute an chhan hun a ni.
Hetih laia sikula awm naupang dang 10-te chu an nu leh pate hnenah an pe let tawh tih a sawi bawk.
Chhuitute chu Ggaba daia bazar chunga thil thlenna hmunah an la awm a, Kawala-i chuan kimchang zawk an la puan leh tur thu a sawi a. Police hotu, Abas Byakagaba-a chuan sikul hi a tlawh tawh a, police-ten an hna an thawh chhunzawm mek lai chu lo ngaichang turin mipuite a ngen.
He thil thleng hian Uganda ram pumah a nghawng a, Africa khawchhaka ram chhunga zirlaite himna chungchangah ngaihtuahna lian tak a siam phah.