UK Dy. Prime Minister hlui boral

UK Dy. Prime Minister hlui boral
John Prescott, United Kingdom (UK) deputy prime minister hlui chu kum 86 mi niin a boral tih ningani khan an chhungkaw thuchhuah chuan a sawi.
A chhungte chuan hun reivak lo liam ta atang khan Prescott hian Alzhemer natna a nei niin an sawi a, thlamuang takin a chawl ta tih an sawi bawk.
Prescott hi Prestatyn, Wales-ah 31 May, 1938 ah piangin, a hun hmasa lamah Navy hnathawk thinin, kum 1970 atanga 2010 chhung khan politics lamah hun a hmang a ni.
Politcis a hun a hman chhung hian sorkar-ah nihna pawimawh tak tak chelh chhoin, prime minister Tony Blair kaihhruai sorkar-ah khan deputy prime minister a ni hial.
UK prime minister Keir Starmer chuan a uina thu sawiin, Prescott te angin an kalsan ta mai chu channa lian tak leh ram pum tan channa nasa tak a nih thu a sawi a, Ex-PM Tony Blair pawhin a talent leh a theihna, ram tana a hnathawh zawng zawngte chu ropui tak leh hriatreng tawh tur a nih thu a sawi bawk.