UK-in Ukraine ralthuam pe

Ukraine President Volodymyr Zelensky chuan Britain tlawhin Prime Minister Rishi Sunak nen inhmuhna an nei ang a. UK hian air-defence missiles leh long-range attack drones za tel a pe dawn tia sawi a ni.
Zelensky-an UK a luh thu hi UK sorkar pawhin sawi chiang tawhin a hmain France leh Germany a tlawh tawh bawk a, Russia an beih letna lamah nasa zawka inthuam that a tum a ni.
“Lei leh vansang lama kan inzarpharh zelna lamah UK hi hmahruaitu a ni,” tiin Sunak nena an inhmuh hmain Zelensky chuan a sawi a.
“Thawhhona kan neih chhunzawm zel ang a. Ka thian Rishi nen inhmuhna kan nei ang a, hmaichhaanah inkawmin inremna pawimawh kan siam ang,” tiin a sawi bawk.
Sunak pawhin Council of Europe leaders’ meeting Iceland a neih hma ngeiin Zelensky nena inhmuhna an neih tur thu sawiin Council of Europe leaders’ meeting leh G7 summit Japan a neih turah video hmangin Zelensky chu thusawi tura tih a ni bawk.
“Tun hi Ukraine in huangtauna nasa tak kara indona a hmachhawn mek laia a inven theih nana hun pawimawh a ni,” tiin UK prime minister Sunak chuan a sawi bawk a. “Kan tithlawn tur a ni lo,” tiin a sawi zui bawk a.
“President Putin-a huangtauna indona chu Ukraine-in a hmatawngah a tawng a ni mai thei a, mahse, khawvelin a tawng ve vek a ni,” tiin a sawi bawk a.
“Ukraine hlawhtlin ngeina tur hi kan tan tihmakmawh a nia, Putin-a barbarism hi a hlawhtling tur a ni lo,” tiin a sawi bawk.
Sunak chuan UK chuan air-defence missile za tel leh unmanned aerial system te chung zinga long-range attack drones te pawh telna chu za tel a pek tur thu a sawi a, heng drone te hi 200km piah lam thlenga thlawk thei an ni.
“Heng ralthuamte hi thla lo awm turah Ukraine hnenah pek a ni ang,” tiin a sawi bawk.
Tihian Britain chu Western ram zinga Ukraine hnena long-range cruise missiles pe hmasa ber ni dawnin a pek tur hi Storm Shadow rockets te an ni.
Britain hi United States tihloha Ukraine hnena military assitance pe hmasa ber a ni tawh bawk a, hei bakah hian kawng hrang hrangin puihna a kalpui bawk.
Hetih lai hian Ukraine indona kal zelah Bakhmut-a inbeihna chu chhunzawmin a zawm zui zel thung a. Bakhmut-ah hian Ukraine chuan hma a sawn tia sawi a ni a, mahse, independent-a tihchian theih a ni hlawm meuh lo thung a. Russia chuan Bakhmut hi venhim tumin theihtawp chhuah thungin tun hnaiah erawh Wagner group te nen an inkarah sawi neuh neuh a awm reng thung.