UK nen Free Trade agreement

Commerce and Industry Minister Piyush Goyal chuan July 10-11 chhungin ram pahnih tena economic lama thawhdunna tha an neih theihna tura free trade agreement (FTA) chungchangah UK a tlawh dawn.
FTA chungchang thlurbing tur a ni dawn a, hei bakah hian European Free Trade Association (EFTA) member ram te nena trade pact chungchang pawh sawihona neih tur zingah a tel tiin Commerce Ministry thuchhuah chuan a tarlang.
UK leh India te chuan economic lama nasa zawka thawhhona neih tumin hma an la mek reng a. FTA inremna siam hamngin ram pahnih te chuan an hlawktlan ve ve na tura ruahmanna siama kalpui an tum a ni.
UK a tlawh laiin hruaitu lawk te nen inbiakna an nei dawn a, Secretaryof State for International Trade mai bakah sector leh industry hrang hrang hotu lawkte nena inbiakna an nei ang a. A bik takin investment chungchang te, sumdawnna lama harsatna awm sutkian te, technology, innovation leh intellectual property rights te chu thlurbing tura dah a ni.
UK a cham chhungin EFTA member ram (Switzerlanf, Norway, Iceland leh Liechtenstein) hotute nen Trade and Economic Partnership Agreement (TEPA) kalpui mek chungchangah inbiakna an nei dawn bawk a ni.
India leh UK tena trade agreement an siam chu January 13, 2021 khan kalpui an tawh a ni a. Kumin June thleng khan inbiakna tum sawm neih tawh niin ram pahnih te chuan a rang thei ang bera chinfel an duh a ni.
A bik takin policy areas/chapter 26 thlurbing nei mekin investment bik erawh bilateral investment treaty hran an neih hnuaiah kalpui a ni thung a, free trade agreement ang thova hmawrbawk tum a ni tia sawi a ni.
Ram pahih insumdawntawnna hian kum 2022-23 ah $20.36 billion tura chhut a ni a, kum 2021-22 khan $17.5 billion lai a ni bawk. India hian UK ah ready-made garments leh textles, gems leh jewellery, engineering goods, petroleum leh petrochemical products, transport equipment, spices, machinery and instruments, pharmaceuticals leh marine products te a thawnlut ber a. UK atangin precious and semi-precious stones, ores and metal scraps, engineering goods, professional instruments bakah electronics, chemicals leh machinery te a chawlut nasa thung.