Kum chanve dawn head coach nghet nei lova an awm hnuin Ukraine chuan Tottenham leh West Ham striker hlui Serhiy Rebrov chu an head coach thar atan an ruat a, kum thum daih contract an ziahpui.
Kum 49 mi Rebrov hian kum 1992 – 2006 chhung khan Ukraine tan vawi 75 a khel a, ram tan goal 15 a thun tawh. Kum 2010-2011 chhung khan Ukraine assistant coach a lo ni tawh a. Hemi hnu hian Dynamo Kiev, Ferencvaros leh Al-Ain te a enkawl zui leh. Club hrang hrang a enkawl hnuin an ram team ngei a enkawl dawn ta a, atan pawh chona lian tak a ni ngei ang.
Ukraine hian January, 2023 khan an head coach Oleksandr Petrakov an ban a, a hmunruak luah lailawktu atan Ruslan Rotan an la lut. Head coach nghet nei lova kum chanve dawn an awm hnuin Serhiy Rebrov an ruai fel ta a ni.
Ukraine hian June ni 12 khian charity match-ah Germany an hmachhawn ang a, hemi hnu hian Euro 2024 qualifier-ah North Macedonia leh Malta te an hmachhawn zui leh ang.
Ukraine coach thar Rebrov hi kum 2000 khan Tottenham in an player manto ber ni turin an la lut a, kum li chhungin Spurs tan hian vawi 60 a khel hman a. Hemi hnu hian West Ham a zawm a, Hammers tan hian season khatah vawi 27 a khel hman.
Ukraine coach thar Serhiy Rebrov
Get real time updates directly on you device, subscribe now.