An ram run kawnga inthurual ram pahnih Russia leh Belarus an inrawlh vena tawh phawtah chuan Ukrai-nian national team-in Euro 2024 qualifying match an khel chhun-zawm tur a ni lo tih Ukraine ram hruaitu lawk pakhatin kan hnung deuh khan khaw-vel hriatah lo sawi-chhuak tawh mah se Ukrainian Football Association chuan Euro 2024 qualifiers an khel zui leh dawn tih a nemnghet.
Ukrainian Football Association president Andriy Pavelko chuan Facebook kaltlangin Belarus sut theihna tur mah ni se Euro 2024 qualifying an khelh chhunzawm dawn tih Thawhtanni khan a puang a, “Ukraine national team chuan 2024 European Cham-pionship qualifying tournament a khel zui zel dawn,” tiin a ziak.
Ukraine hi qualifying Group C-ah England, Italy, North Macedonia leh Malta-te nen awm-hoin, Group I lamah Belarus an inphum thung a, Israel, An-dorra, Kosovo, Ro-mania leh Switzerland-te nen an awmkhawm.
Ukraine hian quali-fying bul an tanna inkhelah sihnih faiin mualneitu England an hneh lo tawh a, match hnih khelha point ruk neiin Three Lions hian an group hma an hruai nghe nghe.
Ukraine hian an game hnihnaah June ni 16 khian North Ma-cedonia an luhkhung leh ang.
Nikuma Russia-in an thenawm Ukraine a run kha Moscow chuan indona (war) pawh ti duh loin ‘spe-cial military operation’ tiin khawvel hriatah a puang a, an chet dan avang khan Russia chu Uefa lamin Euro-pean tournament tawh phawta an tel ve a phalsak lo a, official-a Russia thlawptu Bela-rus erawh tel an phal a, Ukraine sawrkarin duh lo hle mah se an ram FA chuan Euro 2024 qualifiers kal laia tel chhunzawm an tum thu an nem-nghet ta a ni.
Ukraine-in Euro 2024 qualifiers khel dawn
Get real time updates directly on you device, subscribe now.