Ukraine-in F-16 nei ta

Ukraine chuan America siam F-16 indo thlawhna te a dawn tak thu President Volodymyr Zelensky chuan a sawi a.
“Ukraine-in F-16 kan nei ta” tiin President Zelensky chuan indo thlawhna lang theia press mite a hmachhawnnaah a sawi.
Ukraine leader chuan thawhpui ram te hnenah lawmthu sawiin F-16 te chuan Ukraine vansang theihna nasa taka tipung dawnin danglamna siamtu tura ngaih a ni bawk.
F-16 tam zawkin Ukraine chu a la lut dawn chauh a, mahse, tunah rih chuan F-16 te khalh turin Ukraine-in pilot a ngah tawk lo thung.
Zelensky chuan indo thlawhna engzahin nge Ukraine thleng tawh a sawi chuang lo thung a. Tuna thawnluh hmasak te chu Denmark, the Natherlands leh US tena an pek bik a ni thung.
August 2023-a US President Joe Biden an European allies te chu Ukraine hnena F-16 pek a remtih sak hnuah Nato ram te chuan Ukraine hnenah F-16 indothlawhna 65 lai pek an intiam zui nghal a ni.
F-16 indo thlawhna hi kum 1978 daih tawha hman tan tawh kha niin Western ram te chuan hman zui an tum tawh loh niin kum 2015 atang khan US siam tho F-35 in zawi awiin an thlak tan tawh a ni.
Uk chuan F-16 a neih ve loh avangin mahse Ukraine hnenah hian long-range Storm Shadow missile F-16 a vuah theih a pe ve thung.
F-16 te hi Western supplied surface-to-surface air missile system patriot leh Nasams te nena tangkai taka hman theih a ni dawn a ni.
F-16 hian rocket, bomb leh missile te keng tel theiin hei vang hian Russia ram chhung hmun thuk tak pawh a bei thei dawn a ni. Chumai bakah Russian glided bomb lakah Ukraine a veng thei dawn bawk. Heng glided bomb-te hi Russia-in a hmang rim hle a, March thla chhung ngawt khan Su-34 fighter-bomb in 3,000 chuang Ukraine-ah a thlak a ni.
Ukraine hian a F-16 dawn te lei lama a venghim thei a nih chuan Russian aircraft te lakah Ukraine vengin Russia chuan a glide bomb hmangin Ukrainian ground a sawisa zui thei tawh lo tura ngaih a ni.