Ukrainian officials te chuan capital Kyiv pana thawk Russian cruise missile 15 lai an kah thlak thu an sawi.
Russia-in a beihna avang hian thi leh hliam an awm lo, tiin Serhiy Popko, Kyiv military official chuan a sawi a.
Heng missile-te hi Caspian sea region-a Russian bomber pali atanga kahchhuah tiin a sawi bawk a. Missile hmanga beihna hi Russia-in Victory Day parade a neih hma lawka thleng a ni.
May 9 kha Soviet Union in Nazi Germany te World War II laia a hnehna champha niin holiday niin kum tin ropui taka lawmna neih thin a ni a.
Russian President Vladmir Putin chuan Ukraine indona chu dik lo takin Adolf Hitler-an Soviet Union a run lai nena tehkhinin “neo-Nazi regime” nena inbeihna tiin a sawi a ni.
Ukrainian air force te chuan Telegram kaltlanga puanchhuahna an neihah ni bik May 9 hma lawkin Russia chuan Ukraine ram a bei zui a ni a ti a. Popko chuan Russian sipai te chuan ‘He mi ni hian civilian a tam thei ang ber thah an tum a ni’ a ti bawk.
Pathianni kalta zan khan Russia chuan Ukraine drone hmanga a beihna nasa ber a lo kalpui tawh bawk a, Ukraine hmun hrang hrang te a bei nasa hle a ni.
Ukraine-in Russian missile kap thla
Get real time updates directly on you device, subscribe now.
Prev Post