Ukraine laka chak zo lo Italy an tlang

Euro 2024 khel tura point khat chauh ma-mawh tawh Italy chuan Thawhtanni zan khan goal awm loin indonain a tihbuai rei tawh tak Ukraine an inhneh-tawkpui a, Germany rama an point khat hlawhchhuah hmangin nakkum Germany ramin a thlen tur European Championship khel turin Group C atangin an tlang.
Azzuri hi European champion lai niin, Ukraine lakah hian away game khel mah se Ukraine tan an rama qualifying pawimawh thlen theih a nih loh avangin Lever-kusen khelmualah Italy hi an mikhual a ni.
He match-ah hian Davide Frattesi chuan goal thun theihna hun tha nei mah se Ukraine goal-keeper Anatolii Trubin a paltlang zo lo a; Italy hian Group C runners-up niin an group atangin England nen an tlang.
Home-a Ukraine an khelh tumin Italy hian 2-1 hnehna an lo chang tawh a, chuvangin Ger-many rama an intum nawn leh khan tlawm pumpelh chauh pawh nakkum tournament khel tura ticket hlawhchhuah-na’n a tawk a, an ma-mawh point an thawk-chhuak thei hram a ni.
An group-a pathumna dinhmun luahtu Ukrai-nians tan beisei a la bo lo a, nakkum March thla khian tlin theihna chance hnuhnungber play-offs an khel leh ang.
Italy leh Ukraine inkhelah German mipui chuan ‘home’ atana an ram thlangtu Ukraine an tan zawk tih an tilang thiam hle a, indonain a chim mek ram khan neitu rilru pu chungin home match kha an khel thei ni pawhin a lang!
Hun tawp dawnah Italy laka la chak ngai lo Ukraine lam hian penalty an beisei a, mahse, refe-ree chuan Bryan Cris-tante vanga tlu Mykhailo Mudryk kha penalty a hlawhchhuahtir ta lo a, Luciano Spalletti team-in derthawng takin point khat an hlawhchhuak thei hram a, Germany ramah an title kawl lai humhim turin khelmual an lut thei dawn a, a zawna Euro-pean Championship tum riat an khelhna tur a ni nghal ang.
Thawhtanni inkhel dangah Czech Republic leh Slovenia pawh an group ve ve atangin an tlang bawk.
Group E inkhelah West Ham player Tomas Soucek chuan goal khungin Moldova lakah Czech Republic chu sithum faiin a chakpui a, hmahruaitu Albania hnungzuiin Czechs hi an qualify ve ta a ni.
An tlang hma lawk hian boss Jaroslav Silha-vy chuan Czech Republic manager nihna a bansan a, team buai loin Ger-many an pan thei.
Kazakhstan laka 2-1 hnehna changin Slovenia chuan Group H runners-up niin tournament an khel thei dawn a, an chung-ah Denmark an awm.