Ukraine sipai 31,000-in nunna chan tawh

Volodymyr Zelensky chuan Russia in a run avanga Ukraine sipai nunna chan 31,000 an tling tawh tiin a sawi. Ukrainian president chuan hliam tuar zat erawh a sawi dawn loh thu sawiin Russian military planning a pui mai mai dawn a ti bawk a.
Ukrainian officials te hian casualty awmzat mipui nawlpui hriatah an sawi ngai lo va, tuna official a puan ai daih hian thi leh hliam an tam rin a ni bawk.
Hetihlai hian Khawthlang ram tena Ukraine an tanpuina pek zahve lawih chu tihkhawtlai niin chu chuan nunna chan belh leh territory hloh a thlen nasa tiin defence minister chuan a sawi bawk a.
“Ukranian sipai 31,000 in he indona vang hian nunna an chan tawh a. Putin leh a circle dawt sawi kual tena 300,000 emaw 150,000 vel Ukrainian sipai nunna chan an awm tawh an tih a dik lo. Mahse, heng nunna chan te hi kan tan chuan hlohna turu tak a ni” tiin Zelensky chuan a sawi.
Hei mai bakah hian Zelensky chuan Ukrainian area Russia in a awpah civilian sang tam takin nunna an chana a zat chiah kan hre thei lo a ti bawk a. “Mi engzat nge thi a, mi engzah nge thahin an awm a mi engzah nge sawisak hlum leh ram pawna thawnchhuah zat ka hre thei lo” tiin a sawi.
Zelensky chuan Russia chuan sipai 180,000 hloh tawhin sing tam takin hliam an tuar tiin a sawi bawk. Mahse, Mediazona website chuan Ukraine indonaah Russian sipai 45,000 in nunna an chan tawh a ti ve thung a. UK defence ministry chuan Russian sipai 350,000 vel thi leh hliam an awm tawh a ti ve thung.
Ukraine defence minister Rustam Umerov chuan khawthlang ram te chu military aid pe thuai tura ngenin supply an tlakchham avangin Ukraine chu dinhmun chhiaah a ding a ti a. “Kan tihtheih ang chu kan ti vek a, mahse a hun taka supply kan dawn loh chuan tihngaihna a awm lo” tiin a sawi.
Germany chuan nikum November thla khan EU in March thla chhunga artillery shell thawn a tum chu a tihlawhtling thei dawn lo a ti a. January thla khan EU chuan ralthuam an thawn tur zahve vel chuan Ukraine March thlaah thleng hmanin kum 2024 chhung chuan an thawnlut vek hman ang an ti a.
Hetihlai hian US a Biden administration chuan Congress in Ukraine puih nana $60 billion a dan tlat avangin Ukraine chuan Russia lakah a hloh duai duai phah an ti bawk a. Karkalta khan Western leader te chuan Kyiv tlawhin Italy leh Canada te chuan security deal Ukraine nena ziakin Canada chuan 3 billion dollar Ukraine hnenah a pek tur thu a sawi a ni.
Hetihlai hian Russia pawhin Ukraine nasa zawka bei zui zel turin ralthuam lamah tlakchhamna a nei tho va, North Korea pawin a pui tih a ni bawk.