UN inkhawmpuiah Mizo nula
United State New York-a United Nations Conference neihah Mizoram atangin Zodinpuii Fanai d/o F Lalmalsawma a tel.
March 9-14 chhunga New York-a UN inkhawmpuiah hian 69th Commission on the Status of Women (CSW69) neih a ni a, Salvation Army India Eastern Territory-a member Zodinpuii Fanai hi Salvation Army chhunga khawvel ram 13-a Salvation Army hmeichhia intelkhawmna – International Social Justice for Girls Committe-ah member a nih tel angin, he Committee-a awm hmeichhia 37 leh officer -in- charge 3 chu inkhawmpuiah hian an kal a ni.
UN Conference palai ni tur hian Zodinpuii Fanai hi officer -in- charge leh senior advisor-ten a an thlan chhuah a ni a. United Nations CSW hnuaia meeting pakhat “Girls on Fire” tihah panelist-a thlan niin, hmeichhiaten kawng hrang hranga harsatna an tawh chungchang sawi tura ruat a ni.
He inhawmpuia a kal man senso hi Salvation Army International Headquarters (IHQ) in a sponsor a ni.
UN inkhawmpuiah Mizo nula
Get real time updates directly on you device, subscribe now.
Next Post