Mizoram tlawhtu Union minister of state for External Affairs & Culture Meenakshi Lekhi chuan Thawhlehni khan Champhai district a tlawh a. Champhai, Vangchhia, Zokhawthar, Dilkawn leh Khuangleng tlawhin sawrkar hmalakna a enfiah.
Union MoS hian National Highway 06 kawng thar zawhin Champhai a thleng a. District bawrhsap James Lalrinchhana, SP Lalrinpuia Varte leh official dangten an lo dawngsawng. Kawtchhuah Ropui Vangchhia tlawhin hmalakna a enfiah a. Ramri depa awm Zokhawthar khua a tlawh hnu ah, Govt. Vengthlang Middle School Champhai, Anganwadi Centre Dilkawn leh Health & Wellness Centre Khuangleng tlawhin thawktute a kawm bawk.
Vangchhiaa Kawtchhuah Ropui a tlawhnaah Meenakshi Lekhi chuan, Vangchhia chu India ram kawmkil taka awm ni mah se, India ram bung pawimawh tak a ni, tiin, khawtlangin thu an lo thlente chu a bawhzui dawn tih a sawi. Hnam ziarang a ngaihsan avanga Mizorama Archaelogical Survey of India (ASI) protected monument hmasa ber Kawtchhuah Ropui Vangchhia tlawh a nih thu leh hemi chauh nilo a dangte pawh haichhuaka ASI protected area-a puan a nih zel theihna’n hma lak tlan a tul tih a sawi a. Kan hnam chanchin leh ziarangte dik taka tu leh fate hnena hlanchhawn zel a pawimawh thu leh Vangchhiaa ASI hmunah ngawrh lehzuala zirchian tuma ngaihtuahna sen a ni tih a sawi a ni.
Union MoS-in Kawtchhuah Ropui tlawh
Get real time updates directly on you device, subscribe now.
Prev Post
Next Post