UPC NEI-in vaihhlo that lohna inhrilh

National Health Mission (NHM) National Tobacco Control Programme (NCTP) leh United Pentecostal Church of North East India Sunday School Department ten thawhhona an siam angin Inrinni khan Kolasib Venglai UPC biak inah ‘Zuk leh hmuam thatlohna’ chungchang inzirtir a ni a. Kolasiba Pastor bial pathum – Kolasib Venglai bial, Kolasib Diakkawn bial leh Kolasib Rengtekawn biala rawngbawltute an tel.
UPC(NEI) General Sunday School Department secretary Rev JH Zahluna sawi danin, NHM NCTP leh General Sunday School huaihawt hian Serchhip leh Lungleiah Sunday School zirtirtute zirtirna pek an ni tawh a. Kumthar lamah Siaha, Champhai leh Mamit lamah neih leh tum a ni.
NTCP social worker Sylvie Zomuanpuii chuan power point hmangin vaihlo leh a kaihhnawih tih that lohna hrang hrang a sawi a. Kolasib district-ah NCTP hi kum 2016 atangin District Hospital-ah an inbun tan. Zuk leh hmuam chu pipute atanga kan lo chin tawh, kan culture-a bet a nih avangin nghei tura inzirtir a hautak a. Zuk leh hmuam ti thin, nghei duhte tan Thawhtanni atanga Zirtawpni thlengin a rawn theih turin clinic an nei a, a pantute chu an mamawh dan azira damdawi pek thin an ni, tih te a sawi.
Hun hnihnaah zuk leh hmuam chungchang bakah Sunday School pawimawhna ngaihthlak a ni a. General Sunday School Department director Rev Biaksangzuala leh treasurer Evan R Lalbiakfela ten an zirtir a ni.