UPSC Mains exam hmachhawn turte MYC-in puih inhuam

Union Public Service Commission mains exam hmachhawn thei tura Mizoram atanga inziaktling mi 13-te chu theihtawp chhuaha an puih tur thu Mizoram Youth Commission chairman Dr Vanlal\anpuia chuan a sawi.
MYC chairman hian Thawh\anni khan UPSC Mains exam hmachhawn turte hi MYC office-ah a kawm a. Exam an hmachhawn turah theihtawp chhuaha hlawhtlinna chang ngei turin duhsakna a hlan. MYC chuan kawng khat tala puih a duh tih sawiin, internet connection chungchangah emaw lehkha zirna hmun tur emaw zirna atana mamawh engpawh an neih chuan puih an inhuam tih a hrilh.
MYC chuan Super IAS 23 exam kumin July 10-a an buatsaih leh tur thu sawiin, online registration pawh peihfel tawh a nih thu leh July 6 thleng registration a tih theih tur thu te, MYC buatsaih Super IAS 2021 ah mi 40 a\anga mi pathum main exam tura an tling thei chu lawmawm a tih thu Dr Vanlal\anpuia hian sawi a ni.
UPSC mains exam thei tur hian mi nuai 13 vel exam zingah mi 14,260 an inziak tling a. Mizoram a\anga exam thei tur mi 13 zinga 10 hi Aizawl Center-a exam tur an ni a; midang pathum hi Delhi Center-a exam tur an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More