US-ah Trump-a duh lotu mi sang tel pungkhawm

US-ah Trump-a duh lotu mi sang tel pungkhawm
Tun hnaia President Donald Trump-a hma lak dan hrang hrang duh lohna lantirin Inrinni khan US hmun hrang hrangah mi sang tel an pung khawm.
‘50501’ tia an sawi, ‘lungawi lohna 50, state 50-ah, movement 1’ tia an phuah hnuaia mipui punkhawm hi American Revolutionary War tan kum 250-na chamah chiah neih a ni.
White House kawt leh Tesla dealership kawt leh khawpui hrang hrangah mipui an pungkhawm a. Mi tam tak chuan tih sual palha El Salvador-a thawn, Kilmar Ábrego García-a lak let an duh thu an aupui.
US-ah hian politics thil avanga duh lohna lantir hi a thleng zing ta hle a. April thla tih khan ‘Hands Off’ tia hming vuaha pun khawmnaah pawh khawpui hrang hrangah mi sang tel an lo tel tawh.
Tun hnaia Gallup poll-ah chuan a president tirh thla thum chhunga Trump-a chet dan chu voter 45%-in an pawm a, a hun hmasaah kha chuan 41% chauh a ni.
Hetih rual hian kum 1952 leh 2020 inkara an president lo ni tawhte kha chu a tir thla thumah hi chuan 60% an hmu kai vek thung.
Inrinnia pun khawmnaah hian Trump-a chet dan hrang hrang an duh lohna an lantir zingah Department of Government Efficiency (Doge) hmanga US-a sorkar hna leh thil danga insen a tihtlem vak leh Ábrego García lak let a tum lohna te pawh a tel.
A tlangpuiin buaina chhuak ang chi a awm lo va. Thenkhat erawh Trump-a chhinchhiahna nasa taka thinrima au khum erawh an awm hlawm.
Mi tam tak chuan English rorelna an duh lohna lantira indan an nawr ang khan ‘No Kings’ tih inziahna poster an keng bawk.
Massachusetts-a zalenna an sual tan champha lawmna hmunah pawh hetiang tho hi keng an awm nual a. 50501 demonstration hi Boston-ah pawh neih a ni.
Trump-a larna hi a tlahniam hret hret a. January-a president a nih tirh khan Gallup-ah chuan 47% atling a. Tun hnaia Reuters/Ipsos poll chuan 47% atangin 43%-ah a tla tih an tilang a. Economy-a a hmalakna bik chu a tira 42% kha tunah chuan 37% chauh a ni tawh.
Tun thla tirah khan Trump-a White House-a a kir leh hnua amah ep zawnga American punkhawm tamna ber a thleng tawh a. Inrinniah hian state 50-a hmun 1,200 velah punkhawm leh a ni.