US apple chawkluh Congress ten duh lo

Congress-te chuan American apple chawkluha import duty tihtlem chu an duh loh thu an sawi a. Party chuan Himachal Pradesh leh Jammu and Kashmir-a apple chingtute a tibuai hle dawn a ni tiin an sawi.
AICC headquarter a press conference a neihnaah Congress thupuangtu Supriya Shrinate chuan Prime Minister Narendra Modi chuan ‘Ram chhunga apple ching tute tichhe turin import duty a tihniama United States hnenah thil thlawn pek a pe a ni’ tiin a sawi a.
“Khawiah nge auhla ‘vocal for local’ tia an aupui te kha? Eng vangin nge Prime Minister hian Americans te tihlawm a tum?” tiin Shrinate chuan AICC headquarter a press conference a neihnaah a sawi a.
G-20 Summit Delhi a neiha United States President Joe Biden leh Prime Minister Modi tena inbiakna an neih hma lawk ni hnihah Centre chuan US product hrang hrang apple, walnuts, almonds leh lentils ah te a chhiah a lak belh te chu a titawp a ni.
Heng chhiah lakbelhna te hi America-in kum 2019-a India a\anga steel leh aluminium a chawkluh a tihtlem chhan let nana a tihsan a ni a.
Congress hruaitu Shrinate chuan PM Modi chu Gujarat Chief Minister a nih laia a dinna nen a danglam tawh tia sawiin khatih lai kha chuan Amercian apple laka chhiah lak 100% in a kalpui a, chumai bakah Himachal Pradesh chu a second home tiin a sawi a ti bawk a.
“Mahse, Prime Minister a nih hnuah Modiji chuan America te tihlawm tumin American apple te a import duty a hmaa 70% chu 15% ah a tihniam tawh a ni,” tiin a sawi bawk.
US-ah chuan corporation lian ber apple an chinga India-ah chuan Jammu and Kashmir, Himachal Pradesh leh Uttarakhand-ah te chauh tharchhuah a ni tia sawiin Shrinate chuan American sumdawng lian te laka hriatthiamna pek chu hnuhkkir leh ni se tiin a sawi.
Congress leader chuan Himachal Pradesh hian kuminah khuarel chhiatna nasa tak tawhin a hloh hlut zawng pawh Rs 10,000 crore vel lai a ni a ti a. “|anpuina leh chhawmdawlna pek ai chuan Modiji hian Himachal loneitute tan harsatna a siam zawk a ni” tiin a sawi bawk.
Jammu and Kashmir-ah pawh economy chuan kum 2019 a lockdown ang maia thil a kal hnuah thil a pangngai \an laiin tuna import duty tihhniam hian apple chingtute a khawih na hle dawn a ni tiin a sawi bawk.
Thawh\anni khan Jammu and Kashmir lama National Conference leader Omar Abdullah leh PDP president Mehbooba Mufti chuan Centre chu ennawn leh turin an ngen tawh bawk.