US-in China hrek nan Chips hrek hmak

Biden administration chuan China hnena advanced chips thawnchhuah chu khuahkhirhin heng zingah hian China tan bika Nvidia in chips chihnih a siam chu a tel.
US khuahkhirhna hian Advanced Micro Devices leh Intel te pawh a khawih tel avangin chip stocks chu a tlahniam zui nghal bawk a.
Tuna hmalakna hi nikum October thlaa US-in chips thawnchhuah khuahkhirhna a kalpui tan a, thil fel lo lai awm te thawmthatna tia sawi a ni a.
Heng hmalaknate hi China military tena advanced semiconductor emaw equipment an neih theih loh nana hmalakna a ni.
Nvidia chuan khuahkhirhna thar avangin high-end artificial intelligence chips pahnih A800 leh H800 Chinese market tan bik liau liaua an siam chu hralh theihin a awm lo an ti a, an gaming chips pawh khapin a awm bawk a ni.
US sorkar hmalakna hian chip siamtu dangte pawh a khawih nghal bawk a, analysts te chuan Nvidia chuan an tuar nasa ber dawn tia sawiin an revenue atanga 25% lawih chu China hnena chips an hralh atanga an lakluh a nih avng a ni a. US hmalakna avang hian Nvidia share chu 4.7% velin a tlahniam zui nghal bawk.
US sorkar hmalakna hian Iran leh Russia pawh hmer tel zui nghalin Chinese embassy chuan khuah khirhna thar ber chu an dodal takzet thu an sawi zui nghal bawk a.
Thla hnih kalta khan China chuan semiconductor industry tana pawimawh em em gallium leh germanium chu US chhan let nan hian ram danga thawnchhuah a khap zui ve bawk.