US in Ukraine hnenah depleted uranium pe

US chuan Ukraine hnenah military leh humanitarian aid $1 billion chuang hu a kalpui zel turah depleted uranium tank shell pawh a pek tel tur thu a puang a.
Russia chuan hei hi nasa taka dem nghalin Ukraine hnena pek US Abrams tank tena sawisel hlawh armour-piercing munition hman tur a pek tum chu a do nasa hle.
Hetih lai mek hian Ukraine chuan Russia-in market srteet misisle hmanga an beih avangin mi 17 nunna lakin a awm tiin a puang a. Chutih laiin Ukrainian drone te chuan Moscow khawpui bula Rostov-on-Don khawpui chu an bei tia sawi a ni bawk.
US top diplomat Anotny Blinken chuan Kyiv a tlawhnaah Ukraine tan security package thar a tiam a. 120mm uranium tank rounds a pek tur hlut zawng cxhu $175 million vel niin kumin kum tawp lamah M1 Abrams tank a pe fel dawn bawk a.
Depleted uranium hi uranium-a a tam zawk lakchhuah tawh mahse tlemte la dah ban si niin radioactive matter a ni a.
Uranium hi metal khat tak niin depleted uranium chu tank armour-plating tihchak nana hman theih a ni a. Hei bakah hian silaimu hmawrah te, mortar round hmawrah te leh tank shell-ah te dah thin niin conventional tank armour beih nana hman thin a ni.
Depleted uranium shell chuan nghawng na zawk siamin a tum a va den veleh puak nasa zui thei nghalin a ngawng a ti na zual thei hle a ni.
Kumin March thla kha chuan Pentagon thupuangtu chuan Ukraine hnenah depleted uranium pek a ni lovang a lo ti tawh thung a. Hei hi Ukraine-in US hnena armour-piercing rounds an ngiat an hnialna a ni.
US chuan Ukraine hnenah hian anti-armour systems, tactical air navigation systems leh Himars missiles ammunition a pek belh bawk a.
Washington a Russian embassy chuan US thutlukna chu na taka sawisel nghalin US chuan Ukrainian military tena counter-offensive an tih fo an hlawhchhampui pawmpui duh lovah a puh bawk thung.