US president election neih turah Kamala a sang hret

US presidential election atan party leh presidential candidate ten campaign an bei ngawrh chho hle tawh a, poll lak hnuhnung berah chuan Donald Trump aiin vice president ni lai Kamala Harris in 6.6 points velin hma a hruai.
Intelligence pakhat chuan he poll hi buatsaihin, mi hrang hrang ngaihdan an la nasa hle a, nimin khan he an poll lak hi puangin, Harris hian 51.2% support tu neiin, Trump-a’n 44.6% support tu a nei ve bawk. Independent candidate Robert F.Kennedy Jr. chuan 2.4% support tu neiin, a hnuai lamah hian 1% hmu dang an awm ve bawk a ni.
Party lian Demoratic leh Republican candidate te hi thawm nei lian an nih ve ve avangin tuemaw candidate zawk zawk hi US president thar an nih ngei a rinawm a. Hetia Kamala a rawn san zawk nachhan hi poll buatsaihtute zinga pakhat chuan milar rual zingah support tu a ngah vang a ni theia an hriat thu a sawi.
Tin, an sawi leh danah chuan term khat chiah la hmang Joe Biden-a’n president nihna a chuh tawh dawn loh avangin, term hnih hmang tlinga, an hnathawh zawh loh tam tak thawk zo turin vice president ni lai Kamala hi duhtu an la awm nual niin sawi a ni bawk a. US election tur boruak hi a ngaihnawmin, inbeihna a na chho tan telh telh a ni.