Vaihlo khapna dana traffic police-te hriat tur tul inhrilh

National Tobacco Control Programme National Health Mission leh Aizawl Traffic Police buatsaihin Ningani khan traffic police-te pualin vaihlo leh a kaihhnawih kawnga dan hriat tur tul inhrilh a ni.
NTCP state legal consultant Vanlalzari chuan “Vaihlo khuahkhirhna dan leh a kaihhnawih” ah powerpoint presentation hmangin a zirtir a. Tunlaiin mipui phur chi lirthei hrang hrangah vaihlo zial zuk ching an la awm thin a’ heng – taxi, maxi cab, city dus adt. ah hian vaihlo zial zuk khap tlat a ni a, meizu man an awm a nih chuan dan angin Rs.200 thleng sumfai chawitira hrem theih an ni tih a sawi.
Public transport khalhtute pawhin he khapna dan hi zawm theuh a tul, tiin, an lirthei chhungah an passenger-te pawhin meizuk an tum pawhin phal lo ngam turin a ngen thar a. Hemi piahlamah puipunna hmun hrang hrangah meizuk chu khap a ni a, mitinte he khapna dan hi tha taka zawm theuh turin an ngen nawn tih a sawi a ni.