Valentine’s Day-ah eng nge i present dawn

Valentine’s Day a lo hnai leh riau tawh a, a hmei a pain kan hmangaih te thilpek pek tur kan ngaihtuah a. “Eng nge a duh zawng ni ang aw?” tiin kan rilru a inkhap nasa hle thin. Khaile, mipain a ngaihzawng/kawppui tana a present tur kan sawi dawn e.
1. Hmeichhia ten present tuamna han hawn vel hi nuam an ti riau a, bawm lian deuh takah, ribbon nen mawi takin tuam la, a chhungah chuan lehkhabu te, chocolate, toys, tlereuh tih velte han dahkhawm la, chubakah card, i hming ziak ngei kha dah tel bawk ang che.
2. Valentine’s Day-ah hmeichhia chuan pangpar dawn ngei a duh a nia, a dawn loh chuan kim lo riauin a hre dawn tlat. Hetiang hunah hi chuan rose senduk ngei mai kha a beisei tih hre reng ang che.
3. Lunghlu hi hmeichhiain an lawm hle a ni, sum leh pai lamah i harsa lem lo a nih chuan bengbeh emaw thi emaw zungbun emaw, lunghlu tel ngeina present teh. Sum chu seng deuh mah la a manhla i ti viau ang.
4. Hmeichhe nui hmel i hmuh duh chuan thawmhnaw thar lei sak la. Bazar nuam ti lo hmeichhia an vang khawp ang, chuvangin bazar pui la, a duh duh thlan tir mai rawh.
5. Gadgets hi mipa chauhin kan lawm tawh lo, touch phone atanga tablet PC leh digital camera thlengin hmeichhia ten an lawm ve vek.
6. Spa-ah kal pui teh, kan khawtual-ah pawh beauty salon a awm nual tawh a, body massage an ti thei deuh fur tawh. Chu chu Valentine’s Day present atan tihchi tak a ni.
7. Hnuailam thawmhnaw sexy tak present teh, i rin phak bakin a lawm ang.
Hmeichhe-in mipa chu eng nge a present ve tak ang?
Mipa thilpek i dawng a, nangin pek let ve tumna i neih si loh chuan a fuh lo ang. Present dawn nuam i tih ang bawkin mipa pawhin nuam a ti ve tho a nia, mahse, mipain a pek rulhna ang zawnga a kal chuan a fuh lo ang.