Vantlang hmun tifaitute ‘bonus’ pe dawn

Vantlang hmun tifaitute ‘bonus’ pe dawn
Aam Aadmi Party (AAP) convenor leh Delhi chief minister hlui ni bawk Arvind Kejriwal chuan nilaini khan Diwali pualin vantlang hmun tifaitute chu ‘bonus’ pek an nih tur thu a sawi a, Delhi Municipal Corporation (MCD) kaltlangin October thla chhung ngeiin an dawng dawn niin a sawi.
Diwali pual hian Kejriwal chuan sanitation staff zawng zawngte chu an hnathawh ropui tak avangin a fak bakah, duhsakna leh lawmpuina a hlan chhunzawm bawk.
Vantlang faina hmuna thawk Delhi Municipal Corporation hnuaia mi zawng zawngte chu an hnathawh a ropui tak zet thu sawiin, an lawmman dawnte beitham hle mah se an phunnawi ngai loh thu a sawi a, an tana tih theih an neihna zawnah an tlansan dawn loh thu a sawi zawm.
AAP covenor hian Diwali hlim taka hmang turin duhsakna a hlan hlawm a, october thla liamta kha an tan, an hnathawh tan malsawmna ni tura duhsakna hlanin, vantlang hmun tifaitute leh an chhungte zawng zawng chu khawpui hmelhmang thlak danglamtu ni zel turin a chah bawk.