Vawiinah AMC by election

Aizawl Municipal Corporation Ward XIX corporator seat ruak leh Sakawrtuichhun Local Council member pakhat hnawhkhahna tur by election chu vawiin – June 25 hian neih a ni dawn a. Inpuahchahna hmawr bawk a ni tawh a, June 23 tlai khan candidate-te tan campaign hun pawh a tawp tawh.
By election-a duty tur polling party-te chu Thawhtanni khan Aizawl DC office atangin thawnchhuah (dispatch) an ni a. Vote thlaknaa hman tur EVM chu strong room atanga la chhuakin, political party aiawhte enpui/ hriatpuiin strong room hi hawn a ni.
Vote thlak hun hi zing dar 7.00 atanga tlai dar 5.00 chhung a ni a. AMC Ward.19 inthlana vote tla hi June 27 – Ningani hian chhiar a ni ang. Sakawrtuichhun LC vote tla erawh vawiin la la hian chhiar nghal a ni ang.